1

قَسَّمْتُوا شَعْبِي شَعْبَيْن،

وِعمِلتُوا مِن عيدي عيدَينْ.

2

وكِل ما حْكيتُوا بالصِّلحَة،

قِلتُوا خَلُّوها لبَعْدَينْ.

3

الظَّاهِر عاجِبكُمْ هَيْك،

(عَرَقي ودَمّي) راحُوا لْوَينْ؟

4

وَاغْفِر لَنا... بِقْيِتْ حَكِي،

صَلاتْكُم عِنْدِي وَعْدْ ودَينْ.

5

تفَرَّقْتُوا وما لتِمّيتُوا

لَيشْ؟ وكِيف إِلكُم عَيْن؟

6

حمِلْتُوا السِلُّم بالعَرْض

وهَلَّق قِطَّعْتُوا الأَلْفَيْن

7

عبادتكُم عَ صَفَا الكَيفْ،

وإيمان تْمَرْجَحْ عَ المَيلَينْ.

8

الحَرْف الجَامِد يا ما قَتَلْ

عَيْش الرّوحْ حِلُو ويَا عَيْن.

9

شهادِتكُم صايِبْها نَقصْ،

محبَتكُم، ما بَينْ وبَينْ.

10

وحدتكُم بدها ليونة،

وهَيْدِي مِنجيبا مْنَينْ؟

11

انتِبْهُوا عْلَيِّ يا ولادي

ونَقُّولي واحِد من اتنينْ.

12

أو بِتعُودوا كالاَطْفال

وإلا منِتواجَه بعدين.