back to Books

 

 بحبِّك يا عدرا

 

حُبِّك يا مَيمتي غَلْ، بصدري والعظام         حياتي إِلِك عَ الدّوم بسَلّما،
من عَرشو الربّ رَفْعِك بين الأنامْ،            وحَطِّك عَ الأَرض سلطانة، وعَ السما،
وبعرسْ قانا يسوعْ لبّى الطّلبْ،                وكرمالِك ساعة مجدُو قدَّما
ولمّن القَمَر تدَحرَجْ من مَطْرَحُو،              ضَلّو كارِجْ لتَحْتْ إجْرِكْ، وارتَمَى
قطَفْتِ نَجْومِ الفَلَكْ لَراسِكْ تاج،                 والنَّجْمات فهمُوا علَيْكِ بالوَمَا
يا شالحة الشَمس عَ كتفِك عَباية،               آية بكتابو ربِّي راسما
كَمانْ (بفَطِيما)، ضَرْبِتْلِكْ سلام،                الفَضا كلّو سِلطانتو مكَرَّما
البْحور من لوانِكْ، يا ما لَوّنوا مواجْ،          ومن لونْ تيابِك، لوّنتِ تياب السَما
احتِمي بأمَّكْ والمَرْبَحْ مَعَكْ،                    نيّالو كلْ مينْ بأِمّو احتَمَى

 

بمناسبة شهر أيار

الخوري منير حاكمه

القبيات 2009

back to Books